കൊച്ചി: വിവാഹ ജീവിതത്തിന്റെ ആദ്യ ഘട്ടത്തിൽ ഒട്ടേറെ പ്രശ്നങ്ങൾ നേരിടേണ്ടി വന്നിട്ടുണ്ടെന്ന് നടൻ ജയസൂര്യ. ബാച്ചിലർ ലൈഫിൽ നിന്നും പെട്ടെന്നുള്ള മാറ്റമായിരുന്നു. എന്നാൽ പിന്നീട് ജീവിതത്തിൽ ക്ഷമയും വിട്ടുവീഴ്ചകളും സ്വീകരിച്ചതോടെ സന്തോഷം കൈവന്നെന്നും ജയസൂര്യ പറയുന്നു. മലയാളത്തിലെ ആരോഗ്യ മാസികയ്ക്ക് നൽകിയ അഭിമുഖത്തിലാണ് ജയസൂര്യ മനസ് തുറന്നത്.
കല്യാണം കഴിച്ചിട്ട് ഏകദേശം പതിനാറ് വർഷമായി. ആദ്യ സമയത്ത് എനിക്ക് ഒരുപാട് പ്രശ്നങ്ങൾ ഉണ്ടായിരുന്നു. ബാച്ചിലറായിരുന്ന സമയത്തെ പോലെയാണ് തുടക്കത്തിൽ പെരുമാറുക. ഭാര്യയുമൊത്ത് പുറത്തിറങ്ങുമ്പോളായിരിക്കും ഏതെങ്കിലും സുഹൃത്തുക്കളെ കാണുക. അവരോട് അരമണിക്കൂറോളം സംസാരിച്ച് പോവാൻ നോക്കുമ്പോഴാണ് ഭാര്യയെ ഓർമിക്കുക. അവൾ അവിടെ പോസ്റ്റ് ആയി ഇരിക്കുകയാണ്. അപ്പോഴേക്കും അവിടെ മുഖം മാറിയിട്ടുണ്ടാകും.
വർഷങ്ങൾ എത്ര പോയാലും സമ്മാനം കൊടുക്കുകയും ഹണിമൂൺ യാത്രകൾ പോവുകയുമൊക്കെ വേണം എന്നും ജയസൂര്യ പറയുന്നു. വിട്ടുവീഴ്ചകൾ വേണം. ഒരാൾ താണ് കൊടുക്കുകയാണെങ്കിൽ പ്രശ്നങ്ങളില്ലാതെ മുന്നോട്ട് പോകാൻ കഴിയുമെന്നും ജയസൂര്യ പറയുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: