തിരുവനന്തപുരം: കേരളത്തിന്‍റെ കോവിഡ് പ്രതിരോധം വീണ്ടും ലോക ശ്രദ്ധയിൽ. കോവിഡിനെതിരെ കേരളം സ്വീകരിച്ച പ്രതിരോധ പ്രവർത്തനങ്ങളെ കുറിച്ചാണ് അന്താരാഷ്ട്ര മാധ്യമമായ ബിബിസിയിൽ ചർച്ച നടന്നത്. ബിബിസിയിൽ തത്സമയ ചർച്ചയ്ക്ക് വന്ന ആരോഗ്യമന്ത്രി കെ.കെ ശൈലജ കേരളമോഡൽ ആരോഗ്യ സുരക്ഷയുടെ പ്രത്യേകതകൾ പ്രേക്ഷകരുമായി പങ്കുവച്ചു. ബിബിസി വേൾഡ് ന്യൂസ് വിഭാഗത്തിലാണ് കോവിഡ് പ്രതിരോധത്തിന്‍റെ കേരളമോഡൽ ചർച്ചയായത്.
ചൈനയിലെ വുഹാനിൽ കോറോണ വൈറസ് പടർന്നുവെന്ന വാർത്ത കേട്ടപ്പോൾ മുതൽ കേരളം കൈക്കൊണ്ട പ്രതിരോധ നടപടികളും അതിന്‍റെ ഫലങ്ങളും മന്ത്രി വിശദീകരിച്ചു. ഒപ്പം ആർദ്രം പദ്ധതിയെക്കുറിച്ചും പ്രാഥമികാരോഗ്യകേന്ദ്രങ്ങളെക്കുറിച്ചും മന്ത്രി പ്രതിപാദിച്ചു. ബ്രിട്ടനിലെ പ്രമുഖ പത്രമായ ദി ഗാർഡിയൻ കഴിഞ്ഞ ദിവസം മന്ത്രി കെ.കെ ശൈലജയുടെ നേതൃത്വത്തിൽ കേരളത്തിൽ നടക്കുന്ന പ്രതിരോധ പ്രവർത്തനങ്ങളെക്കുറിച്ച് വിശദമായി റിപ്പോർട്ടു ചെയ്‌തിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: