ന്യൂഡെൽഹി: ലോക് ഡൗൺ പ്രഖ്യാപനത്തിനു പിന്നാലെ നിശ്ചലമായതാണ് സിനിമാ- സീരിയൽ ചിത്രീകരണങ്ങളും. നാല് ഘട്ടങ്ങളിലും ഒട്ടേറെ ഇളവുകൾ നൽകിയെങ്കിലും ചിത്രീകരണത്തിനായി അനുമതി നൽകിയിട്ടില്ല. അതേസമയം ലോക് ഡൗൺ ഇളവുകൾക്ക് പിന്നാലെ വിനോദ വ്യവസായ മേഖല ചിത്രീകരണം പുനരാരംഭിക്കുമ്പോൾ നടപ്പിലാക്കേണ്ട മാർഗ നിർദ്ദേശങ്ങൾ പുറത്തിറക്കി. 37 പേജുള്ള പുതിയ വർക്കിങ് പ്രോട്ടോകോളിൽ പ്രൊഡ്യൂസർസ് ഗിൽഡ് ഓഫ് ഇന്ത്യയാണ് പുതിയ നിർദ്ദേശങ്ങൾ നൽകിയിരുന്നു.
1. ഓരോ ക്രൂ അംഗവും ചിത്രീകരണ സമയത്ത് ഉടനീളം മൂന്ന് ലെയറുള്ള മെഡിക്കൽ മാസ്‌കും കൈയ്യുറകളും ധരിക്കണം.
2. ഹസ്‌തദാനം, ആലിംഗനം, ചുംബനം, എന്നിവയിലൂടെയുള്ള സ്നേഹ പ്രകടനങ്ങൾ നടത്തരുത്, ശാരീരിക അകലം പാലിക്കുക.
3. സെറ്റുകൾ / ഓഫീസുകൾ / സ്റ്റുഡിയോകൾ എന്നിവിടങ്ങളിൽ സിഗരറ്റ് പങ്കുവയ്ക്കുന്നത് നിർത്തണം.
4. സഹപ്രവർത്തകർ തമ്മിലുള്ള രണ്ട് മീറ്റർ ദൂരം നിലനിർത്തണം.
5. 60 വയസിനു മുകളിലുള്ള ക്രൂ, കാസ്റ്റ് അംഗങ്ങളെ കുറഞ്ഞത് മൂന്ന് മാസത്തേക്ക് ഒഴിവാക്കുക.
മഹാരാഷ്ട്ര മുഖ്യമന്ത്രി ഉദ്ധവ് താക്കറെയുമായുള്ള വീഡിയോ കോൺഫറൻസിന് രണ്ട് ദിവസത്തിന് ശേഷം പുറത്തിറക്കിയ ഈ രേഖയിൽ, പകർച്ചവ്യാധി തടയുന്നതിനുള്ള നടപടികൾ സ്വീകരിക്കണമെന്ന് നിർദ്ദേശിക്കുന്നു. ഷൂട്ടിങ്ങിന് 45 മിനിറ്റ് മുമ്പ് ക്രൂ, ആർട്ടിസ്റ്റുകൾ, മറ്റുള്ളവർ സെറ്റിൽ എത്തണമെന്ന് ആവശ്യപ്പെടുന്നു; ആളുകൾ സാമൂഹിക അകലം പാലിക്കുന്നതിനായി ഫ്ലോർ മാർ‌ക്കിങ്ങുകൾ സൃഷ്‌ടിക്കണം; സ്റ്റാൻഡേർഡ് ബെഞ്ചുകളേക്കാൾ പോർട്ടബിൾ കസേരകൾക്ക് മുൻഗണന നൽകണം.
കുളിക്കാനുള്ള സാധ്യമായ ക്രമീകരണങ്ങളും നിർദേശങ്ങളിൽ ഉൾപ്പെടുന്നു. എടുത്തുകൊണ്ട് പോകാവുന്ന തരത്തിലുള്ള വാഷ് ബേസിനുകൾ നൽകണമെന്നും സെറ്റുകളിൽ സാനിറ്റൈസേഷൻ നടത്തണമെന്നും നിർദേശിക്കുന്നു. മാർഗനിർദ്ദേശങ്ങളിലെ ഒരു പ്രധാന ഘടകം “ഹെയർ ആൻഡ് മേക്കപ്പ്” പ്രോട്ടോക്കോൾ ആണ്. ഒറ്റത്തവണ ഉപയോഗിക്കാവുന്നതും, പിന്നീട് നശിപ്പിച്ചു കളയാവുന്നതുമായ ഇനങ്ങൾ ശുപാർശ ചെയ്യുന്നു; ഉപയോഗത്തിന് മുമ്പും ശേഷവും വിഗ് കഴുകി വൃത്തിയാക്കണം. സ്വന്തം മേക്കപ്പ് സാധനങ്ങൾ മാത്രം ഉപയോഗിക്കുക; കൂടാതെ, ഏറ്റവും പ്രധാനമായി, മാസ്‌കിനുപകരം ഫെയ്സ് ഷീൽഡ് ഉപയോഗിക്കുക. ഇതുകൂടാതെ, ഹെയർ, മേക്കപ്പ് സഹായികൾ മാസ്കുകളും കയ്യുറകളും ധരിക്കും, ഇത് ചിത്രീകരണ സമയത്ത് ഉടനീളം ബാധകമാണ്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: