പാട്‌ന: മൂന്നു സ്ത്രീകളെ പരസ്യമായി നഗ്നരാക്കി നിർബന്ധിച്ച് മൂത്രം കുടിപ്പിച്ചു. ബീഹാറിലാണ് കേട്ടാൽ ഞെട്ടുന്ന സംഭവം അരങ്ങേറിയത്. ദുർമന്ത്രവാദികളാണെന്നാരോപിച്ചായിരുന്നു ആൾക്കൂട്ടത്തിന്‍റെ കൊടും ക്രൂരത. സംഭവത്തിന്‍റെ വീഡിയോ നവമാധ്യമങ്ങളിൽ അടക്കം പ്രചരിക്കുകയാണ്. ആൾക്കൂട്ടത്തിൽ പരസ്യമായി വിവസ്ത്രരാക്കിയ സ്ത്രീകളെ മൂത്രം കുടിപ്പിച്ചതിനു പുറമേ തല മുണ്ഡനം ചെയ്‌താണ് ആൾക്കൂട്ടം ശിക്ഷ നടപ്പാക്കിയത്.
സംഭവം വാർത്തയായതോടെ അധികൃതർ അന്വേഷണത്തിന് ഉത്തരവിട്ടു. സ്ത്രീകളെ മർദിച്ച ഒൻപത് പേരെ കസ്റ്റഡിയിലെടുത്തതായി പൊലീസ് അറിയിച്ചു. മർദ്ദനത്തിനിരയായ സ്ത്രീകൾ ഇതുവരെ പരാതി നൽകിയിട്ടില്ലെന്നും സംഭവത്തിൽ പൊലീസ് സ്വമേധയാ കേസെടുക്കുകയായിരുന്നുവെന്നും പൊലീസ് പറഞ്ഞു.
സംഭവത്തിൽ ഉൾപ്പെട്ട കൂടുതൽ പേരെ കണ്ടെത്താനായി ഗ്രാമത്തിൽ റൈഡുകൾ തുടരുകയാണെന്നും അദ്ദേഹം പറഞ്ഞു. ഒരിക്കലും ന്യായീകരിക്കാനാകാത്ത അക്രമമാണ് നടന്നതെന്നും കൃത്യമായി അന്വേഷിച്ച് പ്രതികളായ മുഴുവൻ പേർക്കെതിരെയും കർശന നടപടി സ്വീകരിക്കുമെന്നും ഈസ്റ്റ് മുസഫർപുർ സബ് ഡിവിഷണൽ ഓഫീസർ കുന്ദൻ കുമാറും മാധ്യമങ്ങളോട് പറഞ്ഞു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: