ബാംഗ്ലൂർ: നീണ്ട ഡ്രൈ ഡേയ്ക്ക് ശേഷം മദ്യ ശാലകൾ തുറന്ന കർണാടകയിൽ പാമ്പിനെ കടിച്ചുപറിച്ച് മദ്യപൻ. കർണാടകയിലെ കോളാറിലായിരുന്നു സംഭവം. മദ്യം വാങ്ങി അത് മുഴുവൻ കുടിച്ച് പൂസായി തിരികെ വന്ന യുവാവ് വഴിയിൽ കിടന്ന പാമ്പിനു മുകളിലൂടെ തന്‍റെ ടൂ വീലർ കയറ്റി ഇറക്കി. വേദന കൊണ്ടു പുളഞ്ഞ പാമ്പ് സ്വയരക്ഷക്കായി ഇയാളുടെ മുകളിലേക്ക് പാഞ്ഞുകയറി.
പാമ്പിനെ കഴുത്തിൽ ചുറ്റി കുറച്ചു ദൂരം യാത്ര ചെയ്‌ത ഇയാൾ അൽപ സമയം കഴിഞ്ഞ് വണ്ടി നിർത്തി. പിന്നീടായിരുന്നു കൊല. ചെറിയ കഷണങ്ങളാക്കി യുവാവ് പാമ്പിനെ കടിച്ചുമുറിച്ച് കൊന്നു. “എന്‍റെ വഴി തടയാൻ മാത്രം നീ വളർന്നോടാ?” എന്ന് ചോദിച്ചു കൊണ്ടായിരുന്നു ഇയാളുടെ ആക്രമണം. സംഭവത്തിന്‍റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.
അന്വേഷണത്തിൽ നിർമ്മാണത്തൊഴിലാളിയായ കുമാർ എന്ന യുവാവാണ് ഇതെന്ന് വ്യക്തമായി. പാമ്പ് രാവിലെയും തന്‍റെ ഇരുചക്ര വാഹനത്തിനടിയിൽ പെട്ടിരുന്നു എന്നും അതുകൊണ്ട് തന്നെ അതിനോട് തനിക്ക് ദേഷ്യം ഉണ്ടായിരുന്നു എന്നും ടൈംസ് ഓഫ് ഇന്ത്യയോട് കുമാർ പ്രതികരിച്ചു. പാമ്പ് വിഷമുള്ളതാണോ എന്ന് അറിവായിട്ടില്ല. തനിക്ക് പ്രശ്നങ്ങൾ ഒന്നും ഇല്ലെന്നും ഇതുവരെ ഡോക്‌ടറെ കാണാൻ പോയില്ലെന്നും അയാൾ കൂട്ടിച്ചേർത്തു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: