കാലിഫോർണിയ: ലംബോഗിനി വാങ്ങാനായി സ്വയം കാറോടിച്ച് പോയ അഞ്ച് വയസുകാരൻ പൊലീസിന്‍റെ പിടിയിൽ. കാലിഫോർണിയയിലാണ് സംഭവം. തനിക്ക് ലംബോഗിനി കാർ വാങ്ങണമെന്നാവശ്യപ്പെട്ട് കുട്ടി അമ്മയോട് വഴക്കിട്ടിരുന്നു. തുടർന്ന് സ്വയം കാർ വാങ്ങാൻ കൈയിലുണ്ടായിരുന്ന മൂന്നു ഡോളറും പോക്കറ്റിലിട്ട് സ്വയം ഡ്രൈവ് ചെയ്‌ത് റോഡിലേക്കിറങ്ങുകയായിരുന്നു. കാർ അഞ്ചു കിലോമീറ്റർ പിന്നിട്ടപ്പോൾ ഹൈവെ പെട്രോളിങിനിറങ്ങിയ പൊലീസിന്‍റെ കയ്യിൽ പെടുകയായിരുന്നു.
രണ്ടു ലക്ഷം ഡോളറാണ് ആഡംബര ലംബോഗിനി കാറിന്‍റെ വില. താൻ കാലിഫോർണിയയിലേക്ക് പോകുകയാണ് എന്നായിരുന്നു പയ്യൻ പറഞ്ഞത്. എന്നാൽ ഉട്ടയിലെ ഹൈവേയിൽ പെട്രോളിങ് നടത്തുകയായിരുന്ന പൊലീസ് പയ്യനെ അഞ്ചു കിലോമീറ്റർ പിന്നിട്ടപ്പോൾ തന്നെ പിടികൂടി. ഹൈവേയിലൂടെ മണിക്കൂറിൽ 15-30 കി.മി.വേഗതയിൽ ഒരു കാർ ഒഴുകിവരുന്നത് പൊലീസിന്‍റെ ശ്രദ്ധയിൽപെടുകയായിരുന്നു. ഇവർ ഉടൻ തന്നെ കാർ തടഞ്ഞപ്പോഴാണ് ഡ്രൈവർ ഒരു പയ്യനാണെന്ന് മനസിലായത്. തുടർന്ന് എത്ര വയസുണ്ട് എന്ന് ചോദിച്ചപ്പോൾ അഞ്ച് എന്നായിരുന്നു മറുപടി. കാൽ ബ്രേക്ക്, ആക്‌സിലേറ്റർ പെടലുകളിൽ എത്താനായി മുൻ സീറ്റിൽ അറ്റത്തായിരുന്നു പയ്യൻ ഇരുന്നത്.
മുൻ സീറ്റിൽ നിന്നും വലിച്ചു പുറത്തേക്ക് ഇറക്കുമ്പോൾ താൻ ഒരു ലംബോഗിനി വാങ്ങാനായി കാലിഫോർണിയയിലേക്ക് പോകുകയാണെന്നായിരുന്നു പയ്യന്‍റെ മറുപടി. തുടർന്ന് പൊലീസ് നടത്തിയ പരിശോധനയിൽ പയ്യന്‍റെ പോക്കറ്റിൽ നിന്നും മൂന്ന് ഡോളർ കിട്ടുകയും ചെയ്‌തു. സംഭവത്തിൽ അപകടം ഉണ്ടാകുകയോ ആർക്കെങ്കിലും പരിക്കേൽക്കുകയോ ചെയ്‌തിട്ടില്ല. എന്നിരുന്നാലും മകനെയും സഹോദരങ്ങളെയും സംരക്ഷിക്കാതെ അലക്ഷ്യമായി വിട്ടതിനും കാറോടിച്ചതിനും മാതാപിതാക്കൾക്കെതിരെ കേസ് വന്നേക്കാൻ സാധ്യതയുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: