ഇടുക്കി: ലോക് ഡൗണിൽ ആരാധനാലയം അടച്ചിട്ടിരിക്കുന്നതിനിടെ പള്ളിമേടയിൽ പ്രണയ ലീലയാടിയ വൈദികന് എട്ടിന്റെ പണി. ഇടുക്കി ജില്ലയിലെ ഹൈറേഞ്ച് മേഖലയിലെ പ്രമുഖ ക്രൈസ്തവ ദേവാലയത്തിലാണ് സംഭവം നടന്നത്. വിശ്വാസിയായ വീട്ടമ്മയുമായിട്ടായിരുന്നു വൈദികനു പ്രണയം. ലോക് ഡൗണിൽ പള്ളികൾ അടച്ചു പൂട്ടിയതോടെ വീട്ടമ്മ പള്ളിമേടയിൽ സന്ദർശനം നടത്തുന്നത് പതിവായിരുന്നു. ഇക്കാര്യം ശ്രദ്ധയിൽപെട്ട ചില വിശ്വാസികളാണ് സംഭവം പുറം ലോകത്തെ അറിയിച്ചത്.
നാളുകളായി ഇടവകക്കാരിൽ ചിലർ വൈദികന്റെ പ്രണയ ലീലകൾ വീക്ഷിച്ചു വരികയായിരുന്നുവത്രേ. മുൻപും വിവാദങ്ങളിൽ അകപ്പെട്ട വീട്ടമ്മയുമായി വൈദികനു വർഷങ്ങളുടെ ബന്ധമുണ്ടെന്നാണ് ഇടവകക്കാർ പറയുന്നത്. സംഭവം വിശ്വാസികൾ സഭാ നേതൃത്വത്തെ അറിയിക്കുകയും ചെയ്തു. പരാതി ലഭിച്ചതോടെ അന്വേഷണം നടത്തിയ സഭാ നേതൃത്വം പരാതിയിൽ പറഞ്ഞിരിക്കുന്നത് സത്യമാണെന്ന് കണ്ടെത്തുകയായിരുന്നു. ഇതോടെ വൈദികനെതിരെ നടപടിയെടുക്കാൻ സഭാ നേതൃത്വം നിർദേശം നൽകിയിട്ടുണ്ട്.
വൈദികനെ ഇടവകയിൽ നിന്നും മാറ്റുന്നതുൾപ്പെടെയുള്ള നടപടികൾ പ്രാഥമികമായി നടത്തുമെന്നാണ് സഭാ നേതൃത്വം പ്രൈംടൈം ന്യൂസിനോട് വിശദീകരിച്ചിരിക്കുന്നത്. വൈദികന്റെ കാമുകിക്ക് കുടുംബവും കുട്ടികളും ഉള്ളതിനാൽ സംഭവം പൊലീസ് കേസാക്കേണ്ടെന്നാണ് നിലവിൽ വിശ്വാസികളുടെ തീരുമാനം. സംഭവം ഒതുക്കി തീർക്കാൻ ഇതിനോടകം ഉന്നതരായ ചിലർ ഇടപെട്ടതായും വിവരമുണ്ട്. ഇതിനിടെ വൈദികനും വീട്ടമ്മയുമായുള്ള ചില മൊബൈൽ ചിത്രങ്ങൾ പ്രചരിക്കുന്നതായും വിവരം ലഭിച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: