തിരുവനന്തപുരം: നായകനും നായികയും പോലും തമ്മിൽ കാണാതെ ഒരു സംഗീത ആൽബം.. യു ടൂബിൽ ഹിറ്റായികൊണ്ടിരിക്കുന്ന മേഘമായ് എന്ന സംഗീത ആൽബമാണ് ലോക് ഡൗൺ നിയന്ത്രണങ്ങളെ അതിജീവിച്ച് പുറത്തിറങ്ങിയത്. സന്ദീപ് വാസുദേവൻ ഈണം നൽകി വി. ഉണ്ണികൃഷ്ണൻ രചിച്ച് സൗഭാഗ്യ പാടിയ മേഘമായി എന്ന ആൽബം കഴിഞ്ഞ ദിവസമാണ് യു ടൂബിലൂടെ പുറത്തിറങ്ങിയത്.
ലോക് ഡൗൺ നിയന്ത്രണങ്ങൾക്കിടയിലായിരുന്നു ആൽബം ഷൂട്ട് ചെയ്‌തത് എന്നതാണ് പ്രത്യേകത. സംഗീത സംവിധായകൻ ജർമനിയിലും നായിക പൂനെയിലും നായകനും സംവിധായകനും തിരുവനന്തപുരത്തുമിരുന്നാണ് ഷൂട്ടിങ്ങും എഡിറ്റും മറ്റും പൂർത്തിയാക്കി ആൽബം പുറത്തിറക്കിയത്.
വിഷ്വൽസ് സംവിധാനം ചെയ്‌തിരിക്കുന്നത് വിഷ്‌ണു ഉദയനാണ്. വിഷ്ണുവും സുഹൃത്ത് കിരണും ചേർന്ന് വാട് സാപ്പ് വീഡിയോ കാളിലൂടെ പുണെയിലുള്ള നായികയ്ക്കും തിരുവനന്തപുരത്തുള്ള നായകനും വേണ്ട മാർഗ നിർദേശങ്ങളും എടുക്കേണ്ട രീതിയുമൊക്കെ പറഞ്ഞു കൊടുത്തു. ലോക് ഡൗൺ കാലത്തും കല നിന്ന് പോകരുതെന്ന ദൃഡ നിശ്ചയമായിരുന്നു ഇതിനു പിന്നിൽ.
ആറു വർഷങ്ങൾക്ക് മുമ്പാണ് സന്ദീപ് ആൽബത്തിനുള്ള പാട്ട് കമ്പോസ് ചെയ്യുന്നത്. അതിനു ശേഷം ആരാരും കേൾക്കാതെ ഇരുന്ന പാട്ട് സന്ദീപിന്‍റെ പത്നിയും വിഷ്‌ണുവിന്‍റെ സുഹൃത്തുമായ ഗോപിക വിഷ്ണുവിന് അയച്ചു കൊടുക്കുകേയായിരിന്നു. പാട്ടിൽ മതിമറന്നു വീണു പോയ വിഷ്ണുവും കിരണും ഇതെങ്ങനെ വീഡിയോ ചെയാമെന്നു ആലോചിച്ചതോടെയാണ് സംഗീത ആൽബത്തിന്‍റെ പിറവി. വിഷ്‌ണു തന്നെയാണ് എഡിറ്റിങും നിർവഹിച്ചിരിക്കുന്നത്. പൂനെയിൽ ബികോമിന് പഠിക്കുന്ന മാളവിക മുരളി നായികയായും, തിരുവനന്തപുരം ബസേലിയസിൽ എഞ്ചിനീറിങ്ങിനു പഠിക്കുന്ന ഉണ്ണികൃഷ്ണൻ നായകനായും അഭിനയിച്ചിരിക്കുന്നു.
മാളവികയുടെ ചേച്ചി ദേവികയാണ് ഡാൻസ് ചിട്ടപ്പെടുത്തിയത്. അവരുടെ കുടുംബ സുഹൃത്ത് നീനയാണ് വീഡിയോ ഷൂട്ട് ചെയ്‌തത്. ഉണ്ണിയുടെ വിഡിയോകൾ ഷൂട്ട് ചെയ്‌തത് സുഹൃത്ത് കേശവാണ്. സന്ദീപ് മേഘമായി അല്ലാതെ ഒട്ടനവധി പാട്ടുകൾ കമ്പോസ് ചെയ്‌തിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: