മുഖത്ത് പല്ലിയുടെ പാടുള്ള ഒരു കുട്ടിയാണ് ഇപ്പോൾ സമൂഹ മാധ്യമങ്ങളിൽ താരമാകുന്നത്. തായ്‌വാൻ സ്വദേശിയാണ് കുട്ടി. ഒന്ന് ഉറങ്ങി എഴുന്നേറ്റപ്പോഴാണ് കുട്ടിയുടെ മുഖത്ത് പല്ലിയുടെ രൂപത്തിലുള്ള പാട് കണ്ടത്. സംഭവം എന്താണെന്ന് അത്ഭുതപ്പെട്ടെങ്കിലും വീട്ടുകാർ ഉത്തരവും കണ്ടെത്തി. കുട്ടി ഉറങ്ങി വീണത് ഒരു പല്ലിയുടെ മേലേക്കായിരുന്നു.
ജാക്‌സൺ ലൂ എന്ന ട്വിറ്റർ ഉപയോക്താവാണ് ചിത്രങ്ങൾ ട്വിറ്ററിൽ പോസ്റ്റ് ചെയ്‌തത്‌. ഹോംവർക്ക് ചെയ്‌തുകൊണ്ടിരുന്ന പുസ്‌തകത്തിൽ ഒരു പല്ലി ചത്തു കിടക്കുന്ന ചിത്രവും ഒപ്പമുണ്ട്. നിരവധി ആളുകളാണ് ചിത്രം കണ്ട് ഞെട്ടി രസകരമായ പല കമന്‍റുകളും പങ്കുവെച്ചു.
കുട്ടി കിടന്നപ്പോഴാകും പല്ലി ചത്തുപോയതെന്ന് ചിലർ അഭിപ്രായപ്പെട്ടു. എനിക്ക് ചൈനീസ് അറിയില്ലെന്നും, പക്ഷേ ഈ ചിത്രം വളരെയധികം സംസാരിക്കുന്നു എന്നും ഒരാൾ കമന്‍റ് ചെയ്‌തു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: