കൊച്ചി: പെൺകുട്ടികളുടെ സുരക്ഷയെ കുറിച്ച് വാതോരാതെ സംസാരിക്കുന്ന പലരും ആൺകുട്ടികളുടെ സുരക്ഷിതത്വത്തെ കുറിച്ച് ചിന്തിക്കാറില്ല. പ്രകൃതി വിരുദ്ധ ചൂഷണങ്ങൾ പോലും വ്യാപകനായ ഈ കാലത്ത് ആൺകുട്ടികളും പെൺകുട്ടികളെ പോലെ തന്നെ പരിഗണന അർഹിക്കുന്നവരാണെന്ന് വെളിപ്പെടുത്തുകയാണ് ഡോ. സുരേഷ് സി. പിള്ള. കഴിഞ്ഞ ദിവസം അദ്ദേഹം ഫെയ്‌സ് ബുക്കിൽ പങ്കുവച്ച കുറിപ്പ് ഏറെ ശ്രദ്ധ നേടി.
ഫെസ്‌സ് ബുക്ക് കുറിപ്പിന്‍റെ പൂർണ രൂപം വായിക്കാം
സ്ത്രീ സുരക്ഷയെ പറ്റിയും, പെൺകുട്ടികളുടെ സുരക്ഷയെ പറ്റിയും പറയുമ്പോൾ, നമ്മൾ സൗകര്യ പൂർവ്വം വിസ്മരിക്കുന്ന ഒരു വലിയ വിപത്തുണ്ട്. ചെറിയ ആൺ കുട്ടികളുടെ സുരക്ഷ.
ഒരു പക്ഷെ പെൺ കുട്ടികളേക്കാൾ, ചെറുപ്രായത്തിൽ ലൈംഗികമായി ആക്രമിക്കപ്പെടുന്നത് ആൺ കുട്ടികൾ ആയിരിക്കും. കാരണം, അവർ ഒരു ഈസി ടാർഗറ്റ് ആണ്. ആരും കാര്യമായി ശ്രദ്ധിക്കുകയും ഇല്ല.
പല സുഹൃത്തുക്കളിൽ നിന്നും, മുതിർന്നവരിൽ നിന്നുണ്ടായ പീഡന കഥകൾ കേട്ടിട്ടുണ്ട്.
NCC/Scout ക്യാമ്പുകളിൽ കുട്ടികൾ നേരിടുന്ന ലൈംഗിക അതിക്രമത്തെ ക്കുറിച്ച് അന്നൊക്കെ NCC യിൽ ഉണ്ടായിരുന്ന സുഹൃത്തുക്കൾ വേദനകൾ പങ്കു വച്ചിട്ടുണ്ട്.
അതു കൊണ്ട് കുട്ടികളോട് നേരിട്ട് അപകടങ്ങളെ ക്കുറിച്ചു പറഞ്ഞു കൊടുക്കണം.അപകടങ്ങൾ ചുറ്റിനും ഉണ്ട്.
പ്രമുഖ എഴുത്തുകാരനും, ബ്ലോഗ്ഗറുമായ Tim Challies, തന്‍റെ ബ്ലോഗായ Why My Family Doesn’t Do Sleepovers (രാത്രി ഉറങ്ങാൻ)? എന്നത് എല്ലാ അച്ഛനമ്മ മാരും വായിക്കണം.
അദ്ദേഹം പറഞ്ഞത് "Sleepovers were just taken right off the table without exceptions or individual explanations". അതിനു കാരണം പറഞ്ഞത്
"When I was young I had some bad experiences with sleepovers. Nothing devastating happened to me, but I did learn that sleepovers bring a certain vulnerability and that children often behave foolishly in these circumstances."
കുട്ടികളെ കഴിവതും, ബന്ധു വീടുകളിലോ, സുഹൃത്തുക്കളുടെ വീട്ടിലോ സ്ലീപ്പ് ഓവർ (രാത്രി ഉറങ്ങാൻ) നു വിടാതെ ഇരിക്കാൻ പറ്റുമോ എന്ന് നോക്കുക. 'സ്ലീപ് ഓവർ' നു വിശ്വാസം ഇല്ലാത്തവരുടെ വീട്ടിൽ ഒരു കാരണവശാലും വിടരുത്.
പിന്നെ ഈ പീഡകർ ഒന്നും സിനിമയിൽ കാണുന്ന പോലെ വില്ലൻ കഥാപാത്രങ്ങളുടെ രൂപത്തിലുള്ളവർ അല്ല. മുകളിൽ പറഞ്ഞ ഉദാഹരണങ്ങൾ നോക്കുക.
Kidpower എന്ന സംഘടനയുടെ സ്ഥാപകയും ഡയറക്ടറും ആയ Irene van der Zande, പറഞ്ഞത്
"When people ask me to tell them what a child molester might look like, I say, “Look in the mirror – a molester can look just like anyone else!.”
കല്യാണ വീടുകൾ, മരണ വീടുകൾ, വിശേഷങ്ങൾ നടക്കുന്ന സ്ഥലങ്ങൾ ഒക്കെ ഇവരുടെ വിഹാര കേന്ദ്രങ്ങൾ ആണ്. ഇങ്ങനെയുള്ള സ്ഥലങ്ങളിൽ കുട്ടികളെ പ്രത്യേകം ശ്രദ്ധിക്കുക.
അടുപ്പം ഉള്ള ആണ്കുട്ടികളോട് ചോദിക്കൂ, ഒരുപക്ഷെ അവർക്കു കാണും ഓരോ പീഡന കഥകൾ പറയാൻ. മക്കളെ കഴിവതും കൂടെ തന്നെ കൊണ്ടു നടക്കണം, ഒരു കണ്ണ് എപ്പോളും അവരിൽ കാണണം. അപകട സാധ്യതകൾ അവരോട് പറഞ്ഞു കൊടുക്കണം. സ്ത്രീ സുരക്ഷയെ പറ്റിയും, പെൺകുട്ടികളുടെ സുരക്ഷയെ പറ്റിയും പറയുമ്പോൾ, നമ്മൾ സൗകര്യ പൂർവ്വം വിസ്മരിക്കുന്ന ഒരു വലിയ...
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: