സൂര്യനു ചുറ്റും അത്ഭുത വലയം; ചിത്രങ്ങൾ പങ്കുവച്ചത് സെലിബ്രിറ്റികൾ അടക്കം നിരവധി പേർ

ബംഗളൂർ: സൂര്യനു ചുറ്റും കണ്ട അത്ഭുത പ്രതിഭാസം എന്താണെന്ന അന്വേഷണത്തിലാണ് ബാംഗ്ലൂർ നിവാസികൾ. തിങ്കളാഴ്ച്ച പകൽ 10.50 ഓടെയാണ് ബാംഗ്ലൂർ പ്രദേശത്ത് സൂര്യനു ചുറ്റും വളയം പ്രത്യക്ഷപ്പെട്ടത്. "22 ഡിഗ്രി സർക്കുലർ ഹാലോ" എന്ന അന്തരീക്ഷ പ്രതിഭാസമാണ് ഇതെന്നാണ് ശാസ്ത്ര ലോകം പറയുന്നത്.

ഒരു മണിക്കൂറിൽ അധികം ഈ പ്രതിഭാസം നീണ്ടു നിന്നു. ഈ സമയം പലരും അപൂർവ പ്രതിഭാസത്തിന്‍റെ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്‌തിരുന്നു. 

The people in #Bengaluru witnessed a bright ring around the sun for a few minutes on Monday morning, a rare optical and atmospheric phenomenon called ‘22 degree circular halo’. @IndianExpress

Express Photos by @DarshanDevaiahB pic.twitter.com/rOxSIxfOaf

— Express Bengaluru (@IEBengaluru) May 24, 2021

സെലിബ്രിറ്റികളും രാഷ്ട്രീയക്കാരും അടക്കമുള്ളള്ളവരും പ്രഭാവലയത്തിന്‍റെ വ്യത്യസ്‌ത ചിത്രങ്ങൾ പങ്കുവച്ചു. ബംഗളുരു സെൻട്രൽ നിയോജക മണ്ഡലത്തിലെ ലോക്‌സഭാ അംഗം പിസി മോഹൻ സൺ ഹലോയുടെ മൂന്ന് ഫോട്ടോകൾ ട്വിറ്ററിൽ ഷെയർ ചെയ്‌തു. കന്നഡ നടിയായ സംയുക്ത ഹോർനാഡും പ്രഭാവലയത്തിന്‍റെ ചിത്രങ്ങൾ പങ്കുവച്ചിട്ടുണ്ട്. ഒരു മഴവില്ല് പോലുള്ള ഒരു പ്രഭാവലയം ഇപ്പോൾ സൂര്യന് ചുറ്റും ഒരു വൃത്തം തീർത്തിരിക്കുന്നു. അതിനെ മാജിക്കെന്ന് വിളിക്കണോ യാഥാർത്ഥമെന്ന് വിളിക്കണോ, സംയുക്തയുടെ ട്വിറ്ററിൽ പറയുന്നു. 

Stunning #SunHalo in #Bengaluru. pic.twitter.com/LuCBK5f7HO

— P C Mohan (@PCMohanMP) May 24, 2021

പൊതുവെ 22 ഡിഗ്രി സർക്കുലർ ഹാലോ എന്ന് അറിയപ്പെടുന്ന സൂര്യനോ ചന്ദ്രനോ ചുറ്റും പ്രഭാവലയം കാണുന്ന ഈ പ്രതിഭാസം കാണപ്പെടുന്നത് പൊതുവെ മേഘങ്ങളിലെ അഷ്ടഭുജാകൃതിയിലുള്ള ഐസ് പരലുകളിൽ സൂര്യന്‍റെയോ ചന്ദ്രന്‍റെയോ പ്രകാശ കിരണങ്ങൾ തട്ടിച്ചിതറുമ്പോഴാണ്. മൂൺ റിങ്, വിന്‍റർ ഹാലോ തുടങ്ങിയ പേരുകളിലും ഈ പ്രതിഭാസം അറിയപ്പെടുന്നു.   

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ..

https://chat.whatsapp.com/HN3zUlGc2Va9613524dFBp