ചെന്നൈ: തമിഴ് നടൻ മാരൻ കോവിഡ് ബാധിച്ച് മരിച്ചു. ഹിറ്റ് ചിത്രങ്ങളായ ഗില്ലി, കുരുവി തുടങ്ങിയവയിൽ അഭിനയിച്ചിട്ടുണ്ട്. രണ്ടു ദിവസം മുമ്പാണ് കോവിഡ് ബാധിച്ച് അദ്ദേഹത്തെ ചെങ്കൽപ്പെട്ട് സർക്കാർ ആശുപത്രിയിൽ പ്രവേശിപ്പിച്ചിരുന്നത്. ഇന്ന് പുലർച്ചെയാണ് മരണം സംഭവിച്ചത്. 48 വയസായിരുന്നു.
അതേസമയം തമിഴ്‌സിനിമയിൽ നിരവധി പേരാണ് കോവിഡ് ബാധിച്ച് മരിക്കുന്നത്. ചെങ്കൽപ്പെട്ട് നാത്തം സ്വദേശിയാണ് മാരൻ. ബോസ് എങ്കിറ ഭാസ്‌കരൻ, തലൈനഗരം, ഡിഷ്യും, വേട്ടക്കാരൻ, കെജിഎഫ് ചാപ്റ്റർ 1 തുടങ്ങിയ സിനിമകളാണ് അദ്ദേഹം അഭിനയിച്ച മറ്റ് സിനിമകൾ. ഹാസ്യ കഥാപാത്രമാണ് വില്ലൻ വേഷങ്ങളിലും അദ്ദേഹം തിളങ്ങിയിട്ടുണ്ട്.
നിരവധി തമിഴ് സിനിമ താരങ്ങളും അണിയറപ്രവർത്തകരും ഈ വിയോഗത്തിൽ സോഷ്യൽ മീഡിയയിലും മറ്റും ആദരാഞ്ജലി അർപ്പിച്ചിട്ടുണ്ട്. തമിഴ്‌നാട്ടിൽ കോവിഡ് രണ്ടാം വരവിൽ നിരവധി കേസുകളാണ് റിപ്പോർട്ട് ചെയ്‌തിട്ടുള്ളത്‌.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: