മുംബൈ: ടൗട്ടേ ചുഴലിക്കാറ്റ് വരുത്തിയ നാശ നഷ്ടങ്ങളുടെ വീഡിയോ ദൃശ്യങ്ങൾ കഴിഞ്ഞ ദിവസം പുറത്തു വന്നിരുന്നു. പാർക്ക് ചെയ്തിരുന്ന പോർഷെ കാറിനെ വരെ കാറ്റ് വെറുതെ വിട്ടില്ല. ഇത്തരം ഒരു വീഡിയോയാണ് ഇപ്പോൾ പുറത്തു വരുന്നത്.
മുംബൈയിലാണ് സംഭവം. രണ്ടു വർഷം മുമ്പ് സ്വന്തമാക്കിയ പോർഷെ 718 ബോക്സ്റ്റർ കൺവെർട്ടബിൾ കാറാണ് ചുഴലിക്കാറ്റിൽ നശിച്ചത്. അപകടത്തിന്റെ സിസിടിവി ദൃശ്യങ്ങളും ഉടമ സമൂഹ മാധ്യമങ്ങളിൽ പോസ്റ്റ് ചെയ്തിട്ടുണ്ട്. പാർക്ക് ചെയ്തിരുന്ന കൺവെർട്ടബിൾ കാറിന്റെ റൂഫ് തനിയെ തുറന്നു. കനത്ത കാറ്റിൽ കാറിന്റെ റൂഫ് തുറന്നു പോയി എന്ന് വാച്ച്മാൻ അറിയിച്ചതിനെ തുടർന്നാണ് ഉടമ ഫ്ലാറ്റിന്റെ പാർക്കിങ്ങിൽ എത്തിയത്.
റൂഫ് അടയ്ക്കാൻ ശ്രമം നടത്തിയെങ്കിലും നടന്നില്ല. ഇതോടെ വാഹനം മഴയിൽ നിന്ന് മാറ്റിയിടാൻ ശ്രമിച്ചപ്പോഴാണ് അപകടം നടന്നത്. ഡ്രൈവർ വാഹനം സ്റ്റാർട്ട് ചെയ്തപ്പോൾ തന്നെ മീറ്റർ കൺസോളിൽ സിസ്റ്റം ഫെയിൽ എന്ന് സന്ദേശം വന്നു. മുന്നോട്ടെടുക്കാൻ ശ്രമിച്ചപ്പോൾ ആക്സിലേറ്റ് അമർത്താതെ തന്നെ വാഹനം മുന്നോട്ട് പോയി ഇടിക്കുകയായിരുന്നു എന്നും ഉടമ പറയുന്നു. വാഹനത്തിന്റെ സാങ്കേതിക തകരാറാണ് അപകടകാരണം എന്നും വാഹനം പൂർണമായും നശിച്ചെന്നും ഉടമ പറയുന്നു. എന്നാൽ പോർഷെ ഇതേ കുറിച്ച് പ്രതികരിച്ചിട്ടില്ല.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: