കൊച്ചി: ഗ്ലാമർ ചിത്രങ്ങൾ സോഷ്യൽ മീഡിയയിൽ പങ്കുവയ്ക്കാൻ മടിയില്ലാത്ത നടിയാമ് സാധിക വേണുഗോപാൽ. സീരിയൽ, മോഡലിങ് രംഗത്ത് ശ്രദ്ധ നേടിയ താരം കഴിഞ്ഞ ദിവസം പങ്കുവച്ച ചിത്രത്തിന് അശ്ലീല കമന്‍റ് ഇട്ടവന് അതേ നാണയത്തിൽ മറുപടി നൽകിയിരിക്കുകയാണ് താരം. ഷേൽ ഒബാമയുടെ വാക്കുകൾ ക്യാപ്ഷനായി നൽകി പോസിറ്റീവ് ചിന്താഗതി പ്രകടിപ്പിച്ച ചിത്രത്തിന് താഴെയാണ് പീഡനത്തിന് കാരണം സ്ത്രീകളുടെ വസ്ത്രധാരണമെന്ന കമന്‍റുമായി ഒരാളെത്തിയത്. വെറുതെയല്ല പീഡകന്മാർ നാട്ടിൽ നിറയുന്നത്' എന്നായിരുന്നു കമന്‍റ്.
ഈ വേഷം, രൂപം, ഭാവം, വയസ് എന്നതൊക്കെ കൊണ്ട് പീഡിപ്പിക്കപ്പെട്ട ആളുകളുടെ ലിസ്റ്റ് ഒന്ന് തരാമോ? ജിഷ, സൗമ്യ, സൂര്യനെല്ലി, കത്വ, നിർഭയ... അപ്പൊ വേഷമല്ല ചേട്ടാ, അമ്മയെയും പെങ്ങളെയും തിരിച്ചറിയാത്തതാണ് പ്രശ്നം. അതിനാണ് ചെറുപ്പത്തിലേ സെക്സ് എഡ്യൂക്കേഷൻ നിർബന്ധമാക്കണം എന്ന് പറയുന്നതെന്നായിരുന്നു സാധികയുടെ മറുപടി.
ഇപ്പോഴും വസ്ത്രം മാത്രമാണ് കുഴപ്പം എന്ന് വിചാരിച്ചിരുന്ന് യഥാർഥ കുഴപ്പം കണ്ടില്ലെന്നു നടിക്കുമ്പോൾ നമ്മുടെ വീട്ടിലെ പെൺകുട്ടികൾ സാരിയും ചുരിദാറും ഒക്കെ ഇട്ടിട്ടും ഇരകൾ ആകുമ്പോൾ നിസഹായർ ആയി സമൂഹത്തെ പേടിച്ചു നോക്കി നിൽക്കാനേ സാധിക്കൂ എന്നും സാധിക മറുപടി നൽകി.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/KZN6SmZtd2FHxrTK17mCwh
Post A Comment: