ചെന്നൈ: ഫൈനലിലേക്ക് ദിവസങ്ങൾ മാത്രം ശേഷിക്കെ ബിഗ് ബോസ് സീസൺ 3 നിർത്തി വച്ചു. കോവിഡ് വ്യാപനത്തെ തുടർന്ന് ലോക് ഡൗൺ പ്രഖ്യാപിച്ചതോടെയാണ് പരിപാടി നിർത്തി വയ്ക്കേണ്ടി വന്നതെന്നാണ് ചാനൽ അധികൃതരിൽ നിന്നുള്ള വിശദീകരണം. സൂപ്പർ താരം മോഹൻലാൽ അവതാരകനായിട്ടാണ് മലയാളം ബിഗ് ബോസ് സീസൺ 3 എന്ന റിയാലിറ്റി ഷോ നടക്കുന്നത്.
നിരവധി പ്രേക്ഷകരുള്ള ഷോ അവസാന ഘട്ടത്തിലേക്ക് അടുക്കാനിരിക്കെയാണ് കോവിഡ് പ്രതിസന്ധി രൂക്ഷമാകുന്നത്. പ്രതിസന്ധികള്‍ മാറിയാല്‍ ഷോ പുനരാരംഭിക്കുമെന്ന് ചാനല്‍ അധികൃതര്‍ അറിയിച്ചു. കഴിഞ്ഞ സീസണ്‍ 75ദിവസം കഴിഞ്ഞപ്പോള്‍ കോവിഡ് വ്യാപനത്തില്‍ ഒഴിവാക്കേണ്ടി വന്നിരുന്നു.
ഫെബ്രുവരി 14ന് തുടക്കം കുറിച്ച ബിഗ്ബോസ് ചെന്നൈ ഇവിപി ഫിലിം സിറ്റിയില്‍ ആണ് ചിത്രീകരണം നടക്കുന്നത്. ഇരുന്നൂറില്‍പരം അണിയറ പ്രവര്‍ത്തകര്‍ ജോലി ചെയുന്ന വന്‍ ബജറ്റ് ഷോയുടെ പ്രൊഡക്ഷന്‍ കോസ്റ്റ് അറുപത് കോടിയിലേറെയാണ്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/EXQMlwDgDmC55kywJLF9pj
Post A Comment: