ഇടുക്കി: കുട്ടികളുണ്ടാകാനുള്ള ചികിത്സയ്ക്കായി സ്വന്തം വീട്ടിൽ വന്ന 23 കാരി രാവിലെ നടക്കാനിറങ്ങിയ വഴിയിൽ കാമുകനൊപ്പം ഒളിച്ചോടി. നെടുങ്കണ്ടം പൊലീസ് സ്റ്റേഷൻ പരിധിയിലാണ് സംഭവം നടന്നത്. അയൽജില്ലയിലേക്കാണ് യുവതിയെ വിവാഹം കഴിച്ച് അയച്ചിരുന്നത്. ഇവർക്ക് കുട്ടികൾ ഇല്ലായിരുന്നു. ഇതോടെ ചികിത്സയ്ക്കായി കഴിഞ്ഞ ദിവസമാണ് യുവതി ഭർത്താവുമായി നെടുങ്കണ്ടം പൊലീസ് സ്റ്റേഷൻ പരിധിയിലെ സ്വന്തം വീട്ടിലെത്തിയത്.
യുവതിയെ വീട്ടിലാക്കിയ ശേഷം ഭർത്താവ് മടങ്ങുകയും ചെയ്തിരുന്നു. ഇതിനിടെ ശനിയാഴ്ച്ച രാവിലെ വണ്ണം കുറയ്ക്കാൻ നടക്കാനിറങ്ങുകയാണെന്ന് പറഞ്ഞ് വീട്ടിൽ നിന്നും ഇറങ്ങിയ യുവതിയെ കാണാതാവുകയായിരുന്നു. തുടർന്ന് നടത്തിയ അന്വേഷണത്തിലാണ് അയൽവാസിയായ കാമുകനൊപ്പം യുവതി ഒളിച്ചോടിയെന്ന് ബോധ്യമായത്.
സംഭവം വീട്ടുകാർ പൊലീസിനെ അറിയിച്ചതോടെ യുവതിയെയും കാമുകനെയും പൊലീസ് കൈയോടെ പൊക്കി. ഒളിച്ചോടി മണിക്കൂറുകൾക്കകമാണ് ഇരുവർക്കും പിടിവീണത്.
യുവതിയുടെ കാമുകനും യുവതിയും ഒരുമിച്ചു പഠിച്ചവരാണ്. അയൽവാസികളായ ഇരുവരും ബാല്യകാലം മുതൽ അടുപ്പത്തിലായിരുന്നുവെന്നാണ് ലഭിക്കുന്ന വിവരം. സ്റ്റേഷനിലെത്തിയ യുവതി കാമുകനൊപ്പം പോകാനാണ് താൽപര്യമെന്ന് അറിയിച്ചെങ്കിലും ഭർത്താവ് വരുന്നത് വരെ അമ്മയോടൊപ്പം നിൽക്കാൻ പൊലീസ് നിർദ്ദേശം നൽകി.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: