ഇടുക്കി: ഹൈറേഞ്ച് മേഖലയിലെ ആതുര ചികിത്സാ രംഗത്ത് ശ്രദ്ധേയമായ സംഭാവനകൾ നൽകിയ മാട്ടുക്കട്ട വേളാങ്കണ്ണി ആശുപത്രി ഉടമ കിറ്റി കോട്ടേജിൽ ഡോ. ക്രിസ്റ്റി ജബ്ബരാജ് (രാജാ ഡോക്ടർ-70) അന്തരിച്ചു. ചികിത്സാ സൗകര്യങ്ങൾ കുറവുള്ള ഹൈറേഞ്ച് മേഖലയിൽ സാധാരണക്കാരുടെ ആശ്രയമായിരുന്നു മാട്ടുക്കട്ടയിലെ വേളാങ്കണ്ണി ആശുപത്രി.
രാജാ ഡോക്ടർ എന്നായിരുന്നു അദ്ദേഹം അറിയപ്പെട്ടിരുന്നത്. സംസ്ഥാന പാതയോട് ചേർന്നാണ് മാട്ടുക്കട്ടയിലെ വേളാങ്കണ്ണി ആശുപത്രി സ്ഥിതി ചെയ്യുന്നത്. മാട്ടുക്കട്ട, മേരികുളം, വെണ്ണിലാംകണ്ടം, ഉപ്പുതറ, പരപ്പ്, കെ. ചപ്പാത്ത്, പച്ചക്കാട് തുടങ്ങി നിരവധി മേഖലകളിലുള്ളവരുടെ ആശ്രയമാണ് ഈ ആശുപത്രി. കട്ടപ്പന പോപ് പ്രീ സ്കൂൾ ഉടമ ആനി ജബ്ബരാജാണ് ഭാര്യ. മകൾ. ഡോ. ഗ്രേസ് ക്രിസ്റ്റീന ചെന്നൈയിലാണ്. സംസ്കാരം ഞായറാഴ്ച്ച സെന്റ് ജോർജ് ഓർത്തഡോക്സ് പള്ളിയിൽ നടക്കും.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
Post A Comment: