ബാങ്കോക്ക്: പെരുമ്പാമ്പിന്റെ പിടിയിൽ നിന്നും പൂച്ചയെ രക്ഷിക്കുന്നതിന്റെ വീഡിയോ സോഷ്യൽ മീഡിയയിൽ വൈറലാകുന്നു. തായ്ലൻഡിലെ സാമത് പ്രകാനിലാണ് സംഭവം നടന്നത്. കെട്ടിടം പണി നടക്കുന്നതിന്റെ പിന്നിലുള്ള ഒഴിഞ്ഞ സ്ഥലത്തു നിന്ന് പൂച്ചയുടെ കരച്ചിൽ കേട്ടാണ് ജോലിക്കാരൻ അവിടേക്കോടി എത്തിയത്. വന്നപ്പോൾ കണ്ടത് കൂറ്റൻ പെരുമ്പാമ്പ് വളർത്തു പൂച്ചയായ പോർഷെയെ വരിഞ്ഞു മുറുക്കുന്നതാണ്.
കെട്ടിടം പണിക്കാരുടെ താമസ സ്ഥലത്തെ വളർത്തു പൂച്ചയാണ് നാല് വയസുകാരനായ പോർഷെ. പൂച്ചയെ കണ്ട ഉടൻ തന്നെ ഇയാൾ മറ്റു തൊഴിലാളികളെ സഹായത്തിനായി വിളിച്ചു. ഉടൻ തന്നെ ഇവരിൽ ഒരാൾ കമ്പുകൊണ്ട് പെരുമ്പാമ്പിന്റെ തലയിൽ അമർത്തി പിടിച്ചു. ഇതോടെ പാമ്പ് പിടിവിടുകയായിരുന്നു.
പാമ്പിന്റെ പിടിയിൽ നിന്ന് പുറത്തെടുത്തപ്പോൾ പോർഷെയ്ക്ക് ജീവൻ നഷ്ടപ്പെട്ടതാണ് കണ്ടു നിന്നവർ കരുതിയത്. പെട്ടെന്ന് തന്നെ പാമ്പിന്റെ പിടിയിൽ നിന്ന് രക്ഷപ്പെടുത്താൻ കഴിഞ്ഞത് കൊണ്ടാണ് പോർഷെയ്ക്ക് ജീവൻ തിരിച്ചു കിട്ടിയത്. ഒപ്പമുള്ള പൂച്ചയ്ക്ക് ഒപ്പം കളിക്കുന്ന ദൃശ്യവും ഇവർ പങ്കുവച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: