ചെന്നൈ: ഓൺലൈനായി ബുക്ക് ചെയ്‌ത ഭക്ഷണത്തിൽ പാറ്റയെ കണ്ട സംഭവത്തിൽ ഹോട്ടലിനെതിരെ പരാതിയുമായി നടി. നിവേത പേതുരാജാണ് തനിക്കുണ്ടായ ദുരനുഭവം സോഷ്യൽ മീഡിയയിലൂടെ പുറത്തു വിട്ടത്. ചെന്നൈയിലെ പ്രമുഖ ഭക്ഷണശാലയിൽ നിന്നാണ് താരം സ്വിഗ്ഗി വഴി ഭക്ഷണം ഓർഡർ ചെയ്‌തത്.
വീട്ടിലെത്തിച്ച ഭക്ഷണം തുറന്ന് നോക്കിയപ്പോഴാണ് ഉള്ളിൽ പാറ്റയെ കണ്ടത്. ഇതിന്‍റെ ദൃശ്യങ്ങളും നടി സമൂഹമാധ്യമത്തില്‍ പങ്കിട്ടു. ചെന്നൈയിലെ മൂണ്‍ലൈറ്റ് റെസ്റ്റോറന്‍റിനെതിരെയാണ് താരത്തിന്റെ വിമർശനം. സ്വിഗ്ഗിയ്ക്ക് നടി പരാതി നല്‍കുകയും ചെയ്തു. വൃത്തിയുടെ കാര്യത്തില്‍ എന്ത് മാനദണ്ഡമാണ് ഈ ഹോട്ടല്‍ സ്വീകരിക്കുന്നത്. ഇതാദ്യമായല്ല ഈ ഹോട്ടലിനെതിരെ പരാതി ഉയരുന്നത്. ഇത്ര കൂസലില്ലാതെയാവാന്‍ എങ്ങനെ കഴിയുന്നുവെന്നും നടി വിമർശിച്ചു.
സംഭവത്തില്‍ നടപടി സ്വീകരിക്കുമെന്ന് സ്വിഗ്ഗി അറിയിച്ചു. ഞങ്ങളിലുള്ള നിങ്ങളുടെ വിശ്വാസത്തിന് നന്ദി പറയുന്നു. ഇക്കാര്യം ഞങ്ങളെ അറിയിച്ചതില്‍ സന്തോഷമുണ്ടെന്നും ആവശ്യമായ നടപടികള്‍ സ്വീകരിക്കുമെന്നും’ സ്വിഗ്ഗി ട്വിറ്ററില്‍ കുറിച്ചു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GI2hVOqWn9EJitAmn9RGLP
Post A Comment: