പുതിയ ചിത്രങ്ങളുടെ വിശേഷങ്ങൾ പുറത്തു വിടുന്നത് സിനിമാ മേഖലയിൽ പുതുമയല്ല. എന്നാൽ വിചിത്രമായ കഥാപാത്രം തെരഞ്ഞെടുത്ത നടി രാകുൽ പ്രീത് സിങിന്റെ വിശേഷങ്ങളാണ് ബോളിവുഡിലെ ഇപ്പോഴത്തെ സംസാര വിഷയം. പുതിയ ചിത്രത്തിൽ കോണ്ടം ടെസ്റ്ററുടെ വേഷമാണ് നടി തെരഞ്ഞെടുത്തിരിക്കുന്നത്.
സിനിമയുടെ കഥ കേട്ടതിനു പിന്നാലെ രാകുൽ ആവേശത്തോടെയാണ് ഇതിനു സമ്മതം മൂളിയതെന്നുമാണ് റിപ്പോർട്ട്. ഇതോടെയാണ് രാകുൽപ്രീതി സിങിന്റെ വേഷത്തെ കുറിച്ച് സംസാരം ഉടലെടുത്തത്.
കോണ്ടം ടെസ്റ്റർ എന്താണെന്നു തന്നെയാണ് ആരാധകരും ചോദിക്കുന്ന ചോദ്യം. നമ്മുടെ നാട്ടിൽ കേട്ടുകേൾവിയില്ലാത്ത ഒന്നാണെങ്കിലും സിനിമ അൽപം ഗ്ലാമറാകാനുള്ള സാധ്യതയാണ് ആരാധകർ ചൂണ്ടിക്കാട്ടുന്നത്.
ഒരു സോഷ്യൽ കോമഡിയായാണ് ഈ ചിത്രം തയാറാവുന്നതെന്നാണ് അണിയറ പ്രവർത്തകർ പുറത്തു വിടുന്ന വിവരം. വൻകിട കോണ്ടം കമ്പനികൾ വാഗ്ദാനം ചെയ്യുന്ന ജോലിയാണ് കോണ്ടം ടെസ്റ്റർ. അതുപ്രകാരം വിപണിയിൽ എത്തുന്നതിന് മുൻപ് കോണ്ടം ഉൽപ്പന്നങ്ങൾ ടെസ്റ്റ് ചെയ്യുന്നതാണ് ഇവരുടെ ചുമതല.
അതായത് രാകുലിന്റെ കഥാപാത്രം ഒരു 'സെക്സിക്യൂട്ടീവ്' ആയിരിക്കുമെന്ന് ഉറപ്പിക്കാം. സിനിമയ്ക്കായി നായിക വാക്കാൽ ഉറപ്പ് നൽകിക്കഴിഞ്ഞു. വരും മാസങ്ങളിൽ ചിത്രീകരണം ആരംഭിക്കുമെന്നാണ് സൂചന. താരത്തിന്റേതായി ഏഴോളം ചിത്രങ്ങൾ അണിയറയിലുണ്ട്. ഡിസംബർ മാസത്തിൽ കോവിഡ് ബാധിച്ച് ക്വാറന്റീനിലായിരുന്നെങ്കിലും ഇപ്പോൾ കോവിഡ് നെഗറ്റീവായതോടെയാണ് താരം പുതിയ ചിത്രങ്ങളുടെ ആലോചനകൾ തുടങ്ങിയത്.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: