ചെന്നൈ: താരങ്ങൾ സോഷ്യൽ മീഡിയയിൽ എന്ത് പോസ്റ്റ് ചെയ്താലും അതിൽ അശ്ലീലം കണ്ടെത്തുന്നത് ചിലരുടെ പതിവാണ്. ഇത്തരം ഒരു ഞരമ്പ് രോഗിക്ക് നടി പൂജ ഹെഗ്ഡെ നൽകിയ കിടിലൻ മറുപടിയാണ് ഇപ്പോൾ സിനിമാ രംഗത്തും സോഷ്യൽ മീഡിയയിലും വൈറലാകുന്നത്. ഇൻസ്റ്റഗ്രാമിൽ ക്വസ്റ്റിൻ ആൻഡ് ആൻസർ സെക്ഷൻ നടത്തുന്നതിനിടെയായിരുന്നു സംഭവം.
ആരാധകരുടെ ചോദ്യങ്ങൾക്ക് മറുപടി പറയുന്നതായിരുന്നു സെക്ഷൻ. ഇത്തരത്തിൽ ചോദ്യങ്ങൾ ചോദിക്കുന്നതിനിടെയാണ് ഒരു വിരുതൻ നടിയുടെ നഗ്ന ചിത്രം ആവശ്യപ്പെട്ടത്. ഉടൻ തന്നെ താരം മറുപടിയായി ഒരു ചിത്രം അയച്ചുകൊടുക്കുകയും ചെയ്തു. എന്നാൽ അത് നഗ്നമായ തന്റെ കാൽപാദങ്ങളുടെ ചിത്രമായിരുന്നു. ഞരമ്പ് രോഗിക്ക് നടി കൊടുത്ത പണി ഇതോടെ ആരാധകർ ഏറ്റെടുക്കുകയായിരുന്നു. നടിയുടെ മറുപടി ചിത്രം വൈറലായി മാറിയിരിക്കുകയാണ്.
മുഖംമൂടി എന്ന തമിഴ് ചിത്രത്തിലൂടെയാണ് താരം വെള്ളിത്തിരയിലെത്തിയത്. അല്ലു അര്ജുന് നായകനായ ധ്രുവരാജ ജഗന്നാഥ് മൊഴിമാറി കേരളത്തിലെത്തിയപ്പോള് മലയാളികളും നടിയെ ഇരുകൈയും നീട്ടി സ്വീകരിച്ചു. അല്ലു നായകനായ അങ്ങ് വൈകുണ്ഠപുരത്ത് എന്ന ചിത്രത്തിലും പൂജ തന്നെയായിരുന്നു നായിക. സമൂഹ മാധ്യമങ്ങളിലും വളരെ സജീവമാണ് താരം. പുതിയ വിശേഷങ്ങള് എല്ലാം തന്നെ താരം ആരാധകരുമായി പങ്കുവയ്ക്കാറുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: